Аб'ём спажывання золата ў Кітаі знізіўся на 18,13%

Аб'ём спажывання золата ў Кітаі ўпаў на 18,13% -- да 820,98 тоны па выніках 2020 года. Паводле даных Кітайскага таварыства золатапрамыслоўцаў, у мінулым годзе аб'ём спажывання залатых ювелірных вырабаў на кітайскім рынку склаў 490,58 тоны, зваліўшыся на 27,45%. За той жа перыяд купля залатых манет і зліткаў у краіне вырасла на 9,21% -- да 246,59 тоны.

Пасля рэкорднага спаду на 48,2% у першым квартале 2020 года спажыванне золата ў Кітаі паступова расло дзякуючы аднаўленню эканомікі.