Каментарый: засяродзіцца на супрацоўніцтве – тэндэнцыя часу і імкненне ўсіх народаў

Калі ключавым словам для папярэдняга кіраўніцтва ЗША былі «інтарэсы», то новы ўрад краіны на першае месца паставіў «каштоўнасць».

Як прамова аб дыпламатычнай палітыцы, з якой выступіў прэзідэнт ЗША Джо Байдэн перад супрацоўнікамі Дзярждэпартамента, так і дзеянні шэрагу новых дыпламатаў, перадалі свету важную інфармацыю: прыярытэтам на парадку дня рэформаў кіраўніцтва Злучаных Штатаў стане аднаўленне адносін са сваімі саюзнікамі.

Канцлер ФРГ Ангела Меркель публічна заявіла, што, нягледзячы на кансенсус у многіх галінах з Вашынгтонам, Еўропе патрэбна незалежная палітыка «ў дачыненні да Кітая». 4 лютага прэзідэнт Францыі Эмануэль Макрон выказаў падобнае меркаванне: у ЕС і ЗША, сапраўды, агульныя каштоўнасці, але гэта не павінна быць прычынай сумеснага супрацьстаяння Кітаю.

На днях газета Washington Post задала пытанне: чаму саюзнікі павінны верыць такому ўраду ЗША, які не можа належным чынам вырашыць праблему эпідэміі, і ў Кангрэсе якога толькі што адбыліся беспарадкі? Як казаў экс-дзяржсакратар ЗША Генры Кісінджар, неразумна ствараць альянс супраць якой-небудзь краіны. Адмовіцца ад ідэалагічных забабонаў, рэгуляваць рознагалоссі і засяродзіцца на супрацоўніцтве -- тэндэнцыя часу і імкненне ўсіх народаў.