У Кітаі дадалося гарадоў-трыльёншчыкаў

Колькасць гарадоў з ВУП вышэй за 1 трлн юаняў у Кітаі па выніках 2020 вырасла на шэсць -- зараз у краіне налічваецца 23 мегаполісы-трыльёншчыкі. Сярод такіх гарадоў -- Сіань, Цзінань і Фучжоу.

Менавіта ў дэльце ракі Янцзы знаходзіцца больш за ўсё гарадоў з трыльённым сукупным ВУП. Менавіта тут знаходзіцца горад, чый ВУП першым у Кітаі перавысіў трыльённую адзнаку -- Шанхай. На рэгіён, які аб'ядноўвае Шанхай, правінцыі Цзянсу, Чжэцзян і Аньхой, прыпадае чвэрць нацыянальнага ВУП і траціна інвестыцый, таму высокая канцэнтрацыя найбагацейшых гарадоў тут не выклікае здзіўлення.