Кітай аказвае 53 краінам, якія развіваюцца, дапамогу ў вакцынацыі

Кітай аказвае дапамогу ў выглядзе вакцын ад COVID-19 53 краінам, якія развіваюцца, заявіў 8 лютага афіцыйны прадстаўнік МЗС КНР Ван Вэньбінь. Акрамя таго, Кітай ужо экспартаваў або рыхтуецца пастаўляць вакцыны ў 22 краіны, сказаў кітайскі спікер на брыфінгу.

Паводле яго слоў, Кітай робіць канкрэтныя крокі для выканання свайго абяцання зрабіць вакцыну, калі яна будзе распрацавана, глабальным грамадскім дабром, пры гэтым садзейнічаючы павышэнню фізічнай і эканамічнай даступнасці прэпарата ў краінах, якія развіваюцца.

Кітай далучыўся да COVAX і вырашыў выдзеліць у рамках гэтага міжнароднага механізму 10 млн доз вакцын галоўным чынам для задавальнення патрэбнасці краін, якія развіваюцца, дадаў ён.

Ван Вэньбінь пацвердзіў рашучасць кітайскага боку падтрымліваць свае кампаніі ў прасоўванні даследаванняў, распрацоўкі і вытворчасці вакцын разам са сваімі замежнымі калегамі. Таксама Кітай падтрымлівае адпаведныя кампаніі ў экспарце вакцын у краіны, якія ўхвалілі кітайскія вакцыны і дазволілі іх экстранае выкарыстанне, адзначыў ён.

"Пакістан стаў першай краінай, якая атрымала кітайскую дапамогу ў выглядзе вакцын. Камбоджа атрымала кітайскія вакцыны ўчора, а Лаос — сёння. Партыя дапамогі ў выглядзе вакцын заўтра будзе дастаўлена ў Экватарыяльную Гвінею. У той жа час у Перу сёння прыбыла першая партыя закупленых ў Кітая вакцын", — сказаў спікер.