Кітай плануе падрыхтаваць 100 тыс. спецыялістаў у сферы ТКМ у бліжэйшыя гады
Кітай мае намер падрыхтаваць каля 100 тыс. спецыялістаў у сферы традыцыйнай кітайскай медыцыны на працягу бліжэйшых 10 гадоў. Пра гэта гаворыцца ў цыркуляры, выдадзеным Канцылярыяй Дзяржсавета КНР.
Павышэнне ўзроўню паслуг у сферы ТКМ доўгі час стрымлівалася абмежаванымі кадравымі і адукацыйнымі рэсурсамі. Для вырашэння гэтай праблемы ў цыркуляры выкладзены шэраг мер, накіраваных на паскарэнне развіцця ТКМ.
Дакумент заклікае распрацаваць вучэбную праграму з упорам на дысцыпліны ТКМ для спецыялізаваных каледжаў і ўніверсітэтаў, а таксама запусціць каля 100 першакласных профільных праграм бакалаўрыяту.
Акрамя таго, у цыркуляры прапануецца развіццё канкрэтных праектаў па некалькіх напрамках, уключаючы падрыхтоўку кадраў, стварэнне даследчых платформаў і павышэнне якасці сыравіны для медыцынскіх мэтаў.