МЗС КНР: Кітайская ініцыятыва «Адзін пояс і адзін шлях» накіравана на экалагічна чыстае развіццё

Амерыканскі сайт палітычных навінаў Politico нядаўна паведаміў, што Кітай у рамках ініцыятывы «Адзін пояс і адзін шлях» аказаў фінансавую падтрымку будаўніцтву 70% сусветных вугальных электрастанцый.

Каментуючы гэта, афіцыйны прадстаўнік МЗС Хуа Чуньін заявіла, што высунутая Кітаем ініцыятыва «Адзін пояс і адзін шлях» накіравана на экалагічна чыстае развіццё. Кітай заўсёды прытрымліваецца прынцыпу сумесных кансультацый, сумеснага будаўніцтва і сумеснага выкарыстання, на аснове адкрытасці і экалагічнасці праводзіць энергетычнае супрацоўніцтва з рознымі краінамі.