“Пошта Кітая” выпусціла маркі з выявай быкоў

2021 год -- гэта год Быка па кітайскім Задыяку. Карпарацыя "Пошта Кітая" выпусціла адмысловую калекцыю марак, на якіх намаляваныя "Пяць быкоў" -- шэдэўр скруткавага жывапісу Хань Хуана, вядомага палітыка і мастака часоў дынастыі Тан /618-907 гг./.

Калекцыя складаецца з пяці марак, на якіх намаляваныя ворныя быкі.

Па паведамленні карпарацыі, для друку марак упершыню выкарыстоўвалася папера з абаронай ад падробкі, прыдатная для разьбы, што дазволіла надаць арыгінальнай карціне вытанчаныя, шматслойныя колеры.