З пачатку года кур'ерамі ў Кітаі было дастаўлена 20 млрд пасылак

У кур'ерскім сектары Кітая за перыяд з пачатку года было дастаўлена 20 млрд пасылак, паведамілі ў Дзяржаўным паштовым упраўленні КНР.

Каб апрацаваць такую колькасць адпраўленняў, у кур'ераў сёлета пайшло толькі 83 дні, што на 45 дзён менш, чым у 2020 годзе, і гэта стала рэкордна кароткім тэрмінам, паказваюць даныя ведамства. Такім чынам, кур'еры па краіне штодня ўручалі ў сярэднім 240 млн пасылак.

Па прагнозах спецыялістаў, па выніках 2021 года ў гэтым сектары будзе апрацавана больш 95 млрд пасылак.