Грузавы цягнік Кітай-Еўропа ўпершыню адправіўся з роднага горада першаадкрывальніка Вялікага шаўковага шляху

Грузавы цягнік, які курсіруе ў рамках міжнародных чыгуначных грузаперавозак Кітай-Еўропа, адправіўся на днях з горада Ханьчжун правінцыі Шэньсі на паўночным захадзе Кітая ў Расію і іншыя еўрапейскія краіны.

Гэта першы грузавы састаў Кітай-Еўропа, які адправіўся з горада Ханьчжун - радзімы першаадкрывальніка Вялікага шаўковага шляху Чжан Цяня.

Чжан Цянь быў імператарскім пасланнікам дынастыі Хань / 202 г. да н.э. - 220 г. н.э. /. Прыкладна ў 140 г. да н.э. ён здзейсніў сваё падарожжа на захад і адкрыў Шаўковы шлях.

Састаў з 43 вагонаў, гружаны прэцызійнымі вымяральнымі прыладамі і таварамі паўсядзённага попыту, адправіўся з горада Ханьчжун 31 сакавіка, месцамі прызначэння стануць Масква і Ратэрдам.

Паведамляецца, што ў будучыні цытрусы, фрэзеры і іншыя тавары, вырабленыя ў Ханьчжуне, будуць адпраўляцца ў Казахстан і іншыя месцы з дапамогай грузавых цягнікоў, якія курсуюць ў межах чыгуначных грузаперавозак Кітай-Еўропа.