У Кітаі ў перыяд вакацый з нагоды свята Цінмін зафіксавана больш 144 млн паездак

У Кітаі падчас вакацый з нагоды свята Цінмін /дзень памяці продкаў/ было здзейснена 144,52 млн паездак па краіне. Як паведамілі ў Міністэрстве транспарту КНР, з 3 па 5 красавіка гэты паказчык вырас на 142,4% у параўнанні з аналагічным перыядам мінулага года.

Паводле ацэнак міністэрства, у святочныя дні пасажырапаток на авіятранспарце наблізіўся да 4,33 млн чалавек, перавысіўшы мінулагодні паказчык на 256,4%. Акрамя таго, каэфіцыент занятасці пасажырскіх крэслаў ацэнены ў 73,4%.

Свята Цінмін сёлета адзначалі 4 красавіка. Гэта традыцыйнае кітайскае свята, падчас якога людзі аддаюць даніну павагі памерлым членам сям'і. Многія праводзяць трохдзённыя канікулы ў падарожжах.