Sinopharm паставіла Сербіі чарговую партыю вакцыны ад COVID-19

Прэм'ер-міністр Сербіі Ана Брнабіч вітала прыбыццё ў краіну чарговай партыі вакцыны ад COVID-19 з Кітая. На цырымоніі сустрэчы грузу з вакцынай у міжнародным аэрапорце імя Ніколы Тэслы А. Брнабіч суправаджала пасол Кітая ў Сербіі Чэнь Бо.

"Гэтая пастаўка пераконвае, наколькі нашы партнёры з Кітая і кампанія Sinopharm задаволілі нашы патрэбы і дапамаглі ў правядзенні кампаніі па масавай вакцынацыі ў Сербіі", -- заявіла А. Брнабіч. Паводле яе слоў, да канца красавіка прыкладна 40% дарослага насельніцтва Сербіі павінны атрымаць першую дозу вакцыны.

Пасол Чэнь Бо адзначыла, што Кітай праводзіць уласную кампанію па масавай вакцынацыі ў сябе ў краіне. "Кітай -- найбуйнейшая па колькасці насельніцтва краіна свету. Унутраны попыт на вакцыны велізарны, але мы лічым, што ўсе краіны свету належаць да супольнасці адзінага лёсу чалавецтва", -- заявіла яна.