Кітай рашуча выступае супраць любых афіцыйных кантактаў паміж ЗША і Тайванем - МЗС

Кітай зрабіў ЗША сур'ёзнае прадстаўленне ў сувязі з тым, што адміністрацыя Злучаных Штатаў накіравала дэлегацыю на Тайвань. Пра гэта 14 красавіка паведаміў афіцыйны прадстаўнік МЗС КНР.

Чжаа Ліцзянь зрабіў гэтую заяву на брыфінгу для прэсы, каментуючы той факт, што прэзідэнт ЗША Джозэф Байдэн накіраваў на Тайвань дэлегацыю, якая складаецца з былых амерыканскіх чыноўнікаў. Мяркуецца, што візіт дэлегацыі на востраў будзе доўжыцца з 14 па 16 красавіка.

У чарговы раз заявіўшы рашучы пратэст Кітая супраць якіх бы там ні было афіцыйных кантактаў паміж ЗША і Тайванем, Чжаа Ліцзянь адзначыў, што гэтая пазіцыя з'яўляецца паслядоўнай і выразнай.

"Мы заклікаем ЗША належным чынам выконваць прынцып аднаго Кітая і палажэнні трох кітайска-амерыканскіх сумесных камюніке, неадкладна спыніць якія б то ні было афіцыйныя кантакты паміж ЗША і Тайванем, абачліва вырашаць пытанні, якія тычацца Тайваня, і не пасылаць ніякіх ілжывых сігналаў сілам, выступаючым за "незалежнасць Тайваня", з тым, каб не наносіць яшчэ больш цяжкую шкоду кітайска-амерыканскім адносінам, міру і стабільнасці ў тайваньскім заліве ", - сказаў Чжаа Ліцзянь.