Мінадукацыі КНР патрабуе забяспечыць 2 гадзіны штодзённых фізічных практыкаванняў для школьнікаў

Міністэрства адукацыі КНР вылучыла патрабаванне штодня забяспечыць навучэнцаў пачатковых і сярэдніх школ па адной гадзіне фізічных практыкаванняў як у школьным кампусе, так і пасля школьных заняткаў.

Недапушчальна выцясненне ўрокаў фізкультуры і школьных фізкультурных мерапрыемстваў іншымі навучальнымі заняткамі, гаворыцца ў цыркуляры Мінадукацыі, у якім таксама ўтрымліваецца патрабаванне ад школ прапаноўваць рэкамендацыі па заняткам фізкультурай дома, а таксама прадастаўляць якасныя рэсурсы для фізічных практыкаванняў.

У цыркуляры прадугледжваецца, што фізвыхаванне ў школах неабходна паэтапна удасканаліць па мадэлі навучання "ведам пра здароўе, асноватворным фізкультурным навыкам і адмысловым спартыўным навыкам", пры гэтым варта забяспечыць кожнаму з навучэнцаў магчымасць авалодання адным ці двума відамі спорту.

Дакумент таксама заахвочвае стварэнне спартыўных клубаў для падлеткаў і моладзі, дзе навучэнцы змогуць займацца такімі відамі спорту, як футбол, баскетбол і валейбол, у вольны ад заняткаў час, падчас канікулаў і святочных дзён.