Дэпутаты УСНП заклікаюць да прыняцця дадатковых мер па прадухіленні харчовых адходаў

Днямі дэпутаты Усекітайскага сходу народных прадстаўнікоў / ПК УСНП / правялі групавыя абмеркавання праекта закона аб барацьбе з марнатраўствам прадуктаў харчавання ў рамках 28-й сесіі ПК УСНП 13-га склікання.

Законапраект быў прадстаўлены ПК УСНП у панядзелак для другога чытання.

Згодна з праектам закона, пастаўшчыкі паслуг грамадскага харчавання могуць спаганяць з кліентаў, якія пакідаюць пасля сябе на талерках празмерную колькасць рэшткаў ежы, дадатковую плату за ўтылізацыю харчовых адходаў, пры гэтым тарыфы павінны быць дакладна пазначаны.

Падчас абмеркаванняў заканадаўцы высока ацанілі законапраект за тое, што ён усталёўвае прынцыпы спажывання прадуктаў харчавання і прапанавалі дадатковыя меры па барацьбе з марнатраўствам прадуктаў харчавання ў мэтах удасканалення праекта.

Дэпутат Хань Мэй сказала, што мінімальная плата за асобныя нумары ў рэстаране можа прывесці да харчовых адходаў, паколькі кліенты, якія ядуць у асобных пакоях, часта заказваюць празмерную колькасць ежы.

Таксама было прапанавана, каб закон забараніў рэстаранам усталёўваць мінімальную плату.

Дэпутат Ду Сяагуан прапанаваў заахвочваць рэстараны прапаноўваць больш ежы з меншымі порцыямі ў сферы хуткай дастаўкі, каб даць кліентам большы выбар.

Дэпутат Ван Шандзянь сказаў, што разам са штрафамі закон можа таксама ўвесці абавязковыя валанцёрскія паслугі ў якасці пакарання за марнатраўства.