У Кітаі стартавала прапагандысцка-выхаваўчая кампанія па барацьбе з махлярствам

Улады Кітая ў аўторак запусцілі агульнанацыянальную кампанію па павышэнні дасведчанасці грамадскасці аб ашуканскай дзейнасці, а таксама разам з гэтым месячную кампанію па барацьбе з махлярствам у сферы тэлекамунікацый і інтэрнэту.

Лепш прадухіліць злачынства загадзя, чым разбірацца з ім пасля таго, як яно адбылося, заявіў намеснік міністра грамадскай бяспекі Ду Ханвэй, заклікаўшы да актыўнага ўдзелу розных колаў грамадства ў рабоце па барацьбе з гэтай злачыннай дзейнасцю.

У мінулым годзе праваахоўныя органы Кітая раскрылі 322 тыс. спраў, звязаных з махлярствам у сферы тэлекамунікацый і інтэрнэту, і затрымалі 361 тыс. падазраваных, што дапамагло прадухіліць эканамічную шкоду ў памеры 459,8 млрд юаняў (каля 70,9 млрд. долараў) .