Непагашаныя крэдыты, выдадзеныя кітайскаму прыватнаму бізнесу, выраслі на 29 працэнтаў

Па стане на канец сакавіка 2021 года непагашаныя крэдыты ў Кітаі, выдадзеныя індывідуальным прадпрымальнікам, склалі 5,4 трлн юаняў (каля 834,9 млрд. долараў), паведамілі ў Камітэце па кантролі і кіраванні банкаўскай і страхавой дзейнасцю Кітая.

Паводле даных ведамства, гэты паказчык апынуўся на 29 працэнтаў больш у параўнанні з аналагічным перыядам мінулага года.

Прынятыя ў краіне меры па стымуляванні крэдытавання індывідуальных прадпрымальнікаў забяспечылі надзейную фінансавую падтрымку аднаўленню і развіццю прыватнага сектара эканомікі, адзначылі ў ведамстве.

Сярэдняя працэнтная стаўка па крэдытах для іх да канца сакавіка склала 6,2 %, што на 1,3 п.п. ніжэй, чым у 2019 годзе, сведчаць даныя вышэйзгаданага камітэта.

Улады вырашылі пашырыць палітыку па адтэрміноўцы выплаты асноўнай сумы доўгу і працэнтаў па крэдытах на малыя і мікрапрадпрыемствы, каб даць льготы вадзіцелям грузавікоў, таксістам, уладальнікам інтэрнэт-крамаў і іншым самазанятым асобам.