Сі Цзіньпін падкрэсліў важнасць развіцця ТКМ

Генеральны сакратар ЦК КПК Сі Цзіньпін заклікаў да намаганняў па далейшым развіцці традыцыйнай кітайскай медыцыны / ТКМ /.

Сі Цзіньпін зрабіў адпаведную заяву ў сераду падчас інспекцыйнай паездкі ў горадзе Наньян правінцыі Хэнань / Цэнтральны Кітай /, дзе ён наведаў музей-мемарыял Чжан Чжунцзіна, вядомага кітайскага фармаколага і лекара часоў дынастыі Усходняя Хань / 25 - 220 гг. /, а таксама мясцовую кампанію, якая вырабляе прадукты з палыну.

"Кітайская нацыя лечыць хваробы і ратуе жыцці з выкарыстаннем традыцыйнай кітайскай медыцыны на працягу тысяч гадоў", - заявіў Сі Цзіньпін.

"Падчас барацьбы з COVID-19, SARS і іншымі сур'ёзнымі інфекцыйнымі захворваннямі, мы атрымалі больш глыбокае разуменне пра ролю ТКМ", - адзначыў ён.

Падкрэсліўшы неабходнасць садзейнічання развіццю ТКМ, Сі Цзіньпін адзначыў, што неабходна прыкласці намаганні, каб інтэрпрэтаваць механізм і фармакалогію традыцыйнай кітайскай медыцыны з дапамогай сучаснай навукі, а таксама спалучаць метады ТКМ і заходняй медыцыны ў лячэнні.