Каманда Цзінаньскага ўніверсітэта перамагла на Сусветным конкурсе па суперкамп'ютэрных вылічэннях ASC

Сусветны студэнцкі конкурс па суперкамп'ютэрных вылічэннях ASC 2020-2021 сёння падышоў да канца ў Паўднёвым навукова-тэхналагічным універсітэце ў Шэньчжэне / правінцыя Гуандун, Паўднёвы Кітай /. У вочным турніры перамогу атрымала каманда Цзінаньскага ўніверсітэта, у той час як у анлайн-турніры пераможцам стала каманда Нацыянальнага ўніверсітэта Цінхуа / горад Сіньчжу, Тайвань /.

Конкурс ASC, ініцыяваны Кітаем, з'яўляецца самым буйным студэнцкім конкурсам па суперкамп'ютэрных вылічэнняў у свеце. Ён уваходзіць у тройку найбуйнейшых міжнародных конкурсаў у гэтай галіне нароўні з амерыканскім SC і нямецкім ISC. У сёлетнім конкурсе прынялі ўдзел звыш 300 каманд з усяго свету.

У выніку напружаных спаборніцтваў у фінал выйшлі 28 каманд. У сувязі з эпідэміялагічнай сітуацыяй фінальныя спаборніцтвы праводзіліся ў гібрыдным фармаце / афлайн і анлайн /. З іх 21 каманда, уключаючы з універсітэта Цінхуа, Пекінскага універсітэта, Пекінскага ўніверсітэта авіяцыі і касманаўтыкі, Цзінаньскага ўніверсітэта, Шанхайскага транспартнага ўніверсітэта, удзельнічала ў вочным турніры, а 7 каманд, у тым ліку з Нацыянальнага універсітэта Цінхуа / горад Сіньчжу, Тайвань /, Варшаўскага універсітэта / Польшча /, Аграрнага ўніверсітэта Тайланда, спаборнічалі ў анлайн-турніры. Фінальны тур ахопліваў цэлы шэраг складаных прыкладных тэм, у тым ліку пошук пульсараў з апорай на рэальныя даныя назіранняў з кітайскага сферычнага радыётэлескопа FAST, камп'ютэрнае мадэляванне квантавых вылічэнняў, складанне прагнозу эвалюцыі каронавіруса.

Ініцыятар ASC, акадэмік Кітайскай акадэміі інжынерных навук, вядучы навуковец карпарацыі Inspur Ван Эньдун адзначыў, што ў рамках конкурсу маладыя студэнты раскрылі свой патэнцыял да вывучэння перадавога краю навукі і тэхнікі і нязведаных пытанняў у гэтай галіне, а таксама прадэманстравалі баявы дух да правядзення навуковых даследаванняў. Ён выказаў надзею, што гэты конкурс паслужыць пляцоўкай для шырокіх кантактаў паміж маладымі таленавітымі спецыялістамі ў галіне суперкамп'ютэрных вылічэнняў па ўсім свеце.

Сусветны студэнцкі конкурс па суперкамп'ютэрных вылічэннях ASC 2020-2021 праводзіцца сумесна з Азіяцкай асацыяцыяй па суперкамп'ютэрных вылічэннях / ASC /, Паўднёвым навукова-тэхналагічным універсітэтам і карпарацыяй Inspur.