Кітай заклікаў Аўстралію да бесстароннасці ў адносінах да кітайскіх кампаній

Кітай заклікае Аўстралію ставіцца да кітайскіх прадпрыемстваў справядліва, а таксама спыніць умешвацца ў інвестыцыйнае і гандлёвае супрацоўніцтва паміж дзвюма краінамі, заявіў у аўторак афіцыйны прадстаўнік Дзяржаўнага камітэта па справах развіцця і рэформаў КНР Цзінь Сяньдун.

Аўстралія неабгрунтавана абмяжоўвае і аказвае ціск на праекты і існуючыя дасягненні ў рамках двухбаковага інвестыцыйнага і гандлёвага супрацоўніцтва, наносячы шкоду ўзаемадаверу паміж дзвюма краінамі, што сур'ёзна ўплывае на ўпэўненасць прадпрыемстваў у наладжванні ўзаемавыгаднага супрацоўніцтва, заявіў кітайскі чыноўнік.