Шанхай застаецца прывабным для замежных інвестыцый

Паколькі эканоміка Кітая працягвае хутка аднаўляцца, яго фінансавы цэнтр Шанхай застаецца прывабным для замежных інвестыцый.

За першыя чатыры месяцы 2021 года агульныя прамыя замежныя інвестыцыі ў Шанхаі выраслі на 20,3 % у гадавым вылічэнні да 7,77 млрд долараў ЗША, паведаміў муніцыпальны ўрад.

На працягу гэтага перыяду было створана 20 рэгіянальных штаб-кватэр шматнацыянальных карпарацый, якія фінансуюцца з-за мяжы, у выніку іх агульная колькасць у Шанхаі павялічылася да 791. За той жа перыяд было адкрыта яшчэ сем цэнтраў даследаванняў і распрацовак / R & D /, што фінансуюцца з-за мяжы, у выніку іх агульная колькасць у Шанхаі павялічылася да 488.

Як заявіў на цырымоніі выдачы сертыфікатаў віцэ-мэр Шанхая Цзун Мін, горад будзе працягваць няўхільна прасоўваць усебаковую адкрытасць і паляпшаць сваё дзелавое асяроддзе, каб падтрымліваць замежныя прадпрыемствы ў дасягненні большага і лепшага развіцця ў Шанхаі.

Муніцыпальны ўрад Шанхая правёў цырымонію выдачы сертыфікатаў рэгіянальным штаб-кватэрам і цэнтрам даследаванняў і распрацовак шматнацыянальных карпарацый. Кампаніі, якія ўдзельнічалі ў мерапрыемстве, у асноўным, спецыялізуюцца ў такіх перадавых галінах, як біямедыцына, інтэлектуальная вытворчасць і высокатэхналагічныя паслугі.

На цырымоніі вядучы вытворца змазачных матэрыялаў Fuchs са штаб-кватэрай у Германіі атрымаў сертыфікат аб рэгістрацыі свайго цэнтра даследаванняў і распрацовак у Шанхаі.

У цяперашні час кампанія мае тры такіх цэнтра па ўсім свеце, цэнтр у Шанхаі спецыялізуецца на распрацоўцы экалагічна чыстай энергіі і павышэнні энергаэфектыўнасці.

"Аўтамабільны рынак у Кітаі расце, попыт на традыцыйныя рухавікі ўнутранага згарання ссоўваецца ў бок электрарухавікоў", - заявіў тэхнічны дырэктар кампаніі Fuchs Lubricants (China) Крыс Ван Гасэ.

Для задавальнення рынкавага попыту Fuchs распрацавала ў Кітаі вытворчыя лініі, такія як BluEV для аўтамабіляў на новых крыніцах энергіі, і наладзіла супрацоўніцтва з кітайскімі аўтавытворцамі, такімі як Geely і Chery.