Кітай прыцягне ў прав. Хайнань рэгіянальныя штаб-кватэры транснацыянальных карпарацый

Кітай будзе накіроўваць рэгіянальныя штаб-кватэры транснацыянальных карпарацый у паўднёвакітайскай правінцыю Хайнань, каб прасунуць будаўніцтва Хайнаньскага порта свабоднага гандлю, паведамілі ў чацвер у Міністэрстве камерцыі КНР.

"Наяўныя меры па прыцягненні інвестыцый будуць належным чынам рэалізаваны. Таксама будуць прыкладзены намаганні з мэтай напрамкі рэгіянальных штаб-кватэр транснацыянальных кампаній у Хайнаньскі порт свабоднага гандлю", - заявіў на прэс-канферэнцыі афіцыйны прадстаўнік вышэйзгаданага ведамства Гаа Фэн.

Быў дасягнуты прыкметны поспех з тых часоў, як у чэрвені мінулага года ў краіне быў абнародаваны генеральны план будаўніцтва Хайнаньскага порта свабоднага гандлю, які закліканы ператварыць гэтую астраўную правінцыю ў порт свабоднага гандлю высокага ўзроўню з міжнародным уплывам да сярэдзіны цяперашняга стагоддзя.

Па словах Гаа Фэна, урад Кітая апублікаваў 28 палітычных мер па лібералізацыі і спрашчэнні працэдур гандлю ў Хайнаньскім порце свабоднага гандлю, а таксама былі распрацаваны і абнародаваны 22 спецыяльныя меры па пашырэнні доступу да рынкаў востава ў такіх сектарах, як фінансы, культура і медыцына.

Раней у гэтым месяцы ў прав. Хайнань прайшла першая Кітайская міжнародная ЭКСПА спажывецкіх тавараў, якая стала першай выставай Кітая на нацыянальным узроўні, прысвечанай якасным спажывецкім таварам. У мерапрыемстве ўзялі ўдзел у агульнай колькасці 2 628 брэндаў 1 505 прадпрыемстваў з 70 краін і рэгіёнаў свету.

У будучыні Кітай працягне аптымізаваць нарматыўна-прававое асяроддзе ў галіне імпарту і экспарту тавараў у пэўных зонах Хайнаньскага порта свабоднага гандлю, а таксама складзе негатыўны спіс для трансгранічнага гандлю паслугамі на востраве, дадаў Гаа Фэн.