У Чэнду адкрылася Кітайская канферэнцыя па аўдыёвізуальным кантэнце

9-я Кітайская канферэнцыя па аўдыёвізуальным сеткавым кантэнцеадкрылася сёння ў Чэнду /правінцыя Сычуань, Паўднёва-Заходні Кітай/.

На канферэнцыі будуць абмяркоўвацца пытанні далейшага паглыблення высакаякаснага і інавацыйнага развіцця аўдыёвізуальнага кантэнту. Сустрэча таксама будзе садзейнічаць паглыбленню ўнутрыгаліновых сувязяў і больш цеснага супрацоўніцтва ў індустрыі.

Па наяўнай інфармацыі, у рамках канферэнцыі пройдзе звыш 40 форумаў, выстаў, прэс-канферэнцый і іншых мерапрыемстваў, на якіх выступяць больш за 300 ганаровых гасцей. У агульнай складанасці ў канферэнцыі прымуць удзел каля 5 тыс. прадстаўнікоў прафесійных колаў.

Важнай часткай праграмы з'яўляецца даследчы даклад аб развіцці аўдыёвізуальнага кантэнту ў Кітаі ў 2021 годзе, які быў апублікаваны напярэдадні Асацыяцыяй службаў сеткавага вяшчання Кітая. Як адзначаецца ў дакуменце, па стане на снежань 2020 года колькасць спажыўцоў аўдыёвізуальнага сеткавага кантэнту ў краіне склала 944 млн чалавек.

У дакладзе таксама адзначаецца выразны "суправаджальны характар" аўдыёвізуальнага сеткавага вяшчання і паступовае ўваходжанне ў "хуткую эпоху". Паводле статыстычных даных, 19,5 прац. карыстальнікаў пры праглядзе аўдыёвізуальнага кантэнту паралельна выкарыстоўваюць прыкладанні для зносін, куплі тавараў і іншых мэтаў.