Кітай і Расія запрасілі партнёраў да ўдзелу ў праекце Міжнароднай месячнай даследчай станцыі

Кітай і Расія прадставілі "дарожную карту" стварэння Міжнароднай месячнай даследчай станцыі, запрасіўшы ўсе зацікаўленыя краіны, міжнародныя арганізацыі і партнёраў да супрацоўніцтва ў гэтым праекце.

Кітайскае нацыянальнае касмічнае ўпраўленне /CNSA/ і «Раскосмас» абвясцілі аб гэтым па відэасувязі на міжнароднай канферэнцыі па даследаванні космасу GLEX-2021.

У "дарожнай карце» прадстаўлены вызначэнне, навуковыя мэты, падыходы да рэалізацыі праекта, а таксама сферы і магчымасці супрацоўніцтва на этапах планавання, дэманстрацыі, праектавання, распрацоўкі, рэалізацыі, эксплуатацыі і навуковых даследаванняў.

Праект даследчай станцыі ўключае ў сябе тры этапы: разведку, будаўніцтва і эксплуатацыю.

З 2021 па 2025 праект будзе засяроджаны на месячнай разведцы, праектаванні станцыі і выбары месца для будаўніцтва, а таксама праверцы тэхналогіі бяспечнай высокадакладнай мяккай пасадкі.

З 2026 па 2035 год задачамі праекта стане адпрацоўка тэхналогій каманднага цэнтра станцыі, бяспечнай высокадакладнай мяккай пасадкі, масавай дастаўкі грузаў і вяртання на Зямлю узораў з Месяца. Акрамя таго, будуць завершаны работы па стварэнні на арбіце і на паверхні Месяца аб'ектаў энергетыкі, сувязі і сістэм дастаўкі абсталявання. У рамках праекта таксама будуць праводзіцца даследаванні, разведка і праверка абсталявання для перапрацоўкі месячных рэсурсаў.

Пачынаючы з 2035 года праект будзе накіраваны на даследаванне і асваенне Месяца, праверку тэхналогій, садзейнічанне высадцы людзей на Месяц, а таксама пашырэнне і абслугоўванне модуляў.