Кітай узмацняе гатоўнасць да паводак

Міністэрства воднай гаспадаркі КНР заклікала прыняць меры па прадухіленні паводак на паўночным усходзе Кітая і забеспячэнні гатоўнасці да вялікіх ападкаў на поўдні краіны пасля ўздыму ўзроўню вады ў некаторых рэках вышэй за крытычную адзнаку з-за працяглых дажджоў.

Паводле іфармацыі міністэрства, у агульнай складанасці на 21 рацэ ў правінцыях Хэйлунцзян/ Паўночна-Усходні Кітай/, Цзянсу, Чжэцзян/ абедзве - Усходні Кітай/, Сычуань/ паўднёва-заходні Кітай /і ўаўтаномным раёне Унутраная Манголія/ Паўночны Кітай / назіраецца перавышэнне крытычнага значэння ўзроўню вады.

Паводка чакаецца, у прыватнасці, на рэках Хэйлунцзян і Нэньцзян на ўчастку асноўнага рэчышча, дадалі ў ведамстве.

Паводле метэаралагічнага прагнозу, з 21 да 24 чэрвеня ў некаторых раёнах на поўдні Кітая пройдуць моцныя дажджы, якія могуць справакаваць перавышэнне крытычнага ўзроўню вады ў некаторых малых і сярэдніх рэках.

У гэтай сувязі міністэрства заклікала накіраваць намаганні на прадухіленне паводак у пазначаных раёнах. Ведамства рэкамендавала надаць асаблівую ўвагу абследаванню і ўмацаванню дамбаў, перамяшчэнню людзей у бяспечныя раёны, а таксама рэгуляванню ўзроўню вады ў вадасховішчах.