Афіцыйна запушчана культурна-грамадская платформа зімовых Алімпійскіх гульняў-2022 у Пекіне

23 чэрвеня культурна-грамадская платформа зімовых Алімпійскіх гульняў у Пекіне 2022 была афіцыйна запушчана, адначасова стартавала і грамадская акцыя зімовай Алімпіяды "Блакітная дарожка".

Платформа і звязанае з ёй мерапрыемства арганізаваны аддзеламі культурных мерапрыемстваў і развіцця рынку Аргкамітэту зімовых Алімпійскіх гульняў у Пекіне, а выканаўцамі выступаюць дабрачынны фонд Alibaba і Кітайскі фонд па барацьбе з беднасцю.

Намеснік начальніка сакратарыята Аргкамітэту зімовых Алімпійскіх гульняў у Пекіне Сюй Чжыцзюнь у сваім выступленні заявіў, што культурна-грамадская платформа аб'ядноўвае зімовыя Алімпійскія гульні і грамадскую дзейнасць праз мабільны інтэрнэт і ператворыць падтрымку і ўдзел усіх слаёў грамадства ў зімовых Алімпійскіх гульнях у публічную акцыю. Яна злучыць зімовыя Алімпійскія гульні і шырокую грамадскасць у займальнай, інтэрактыўнай і шырокамаштабнай форме. Платформа ўяўляе сабой новую разнавіднасць алімпійскіх культурных мерапрыемстваў ва ўмовах нармалізацыі прафілактыкі і барацьбы з пандэміяй.

Па наяўных звестках, платформа будзе заклікаць насельніцтва "ахвяраваць" свае крокі, перасоўваючыся рознымі спосабамі, уключаючы пешшу і бегам. Пасродкам праходжання узроўняў на платформе будуць разблакаваны і раскрыюцца розныя віды спаборніцтваў зімовай алімпіяды і эксклюзіўныя грамадскія перавагі. Пасля таго, як сукупная колькасць крокаў на платформе дасягне ўсталяванай адзнакі, кампаніі-спонсары Алімпіяды ўсіх узроўняў пракладуць грамадскую "блакітную дарожку" зімовых Алімпійскіх гульняў для сельскіх навучальных устаноў у менш эканамічна развітых раёнах краіны, каб палепшыць умовы для заняткаў спортам для мясцовых навучэнцаў.