Кітай падаў іск у СГА супраць Аўстраліі

24 чэрвеня Кітай падаў іск у рамках механізму ўрэгулявання спрэчак Сусветнай гандлёвай арганізацыі /СГА / у сувязі з антыдэмпінгавымі і антысубсідыярнымі мерамі Аўстраліі ў дачыненні да некаторых тавараў, якія ўвозяцца з Кітая. Пра гэта паведаміла Міністэрства камерцыі КНР.

У іску аспрэчваюцца меры, прынятыя або пашыраныя Аўстраліяй у 2019 і 2020 гадах у дачыненні да імпартаваных з Кітая чыгуначных колаў, анемаметрычных вышак і ракавін з нержавеючай сталі, вынікае з заявы ведамства.

Як удакладніў на прэс-канферэнцыі афіцыйны прадстаўнік міністэрства Гаа Фэн, Кітай выступае супраць злоўжывання мерамі гандлёвага рэгулявання, паколькі гэта не толькі наносіць шкоду законным правам кітайскіх кампаній, але і падрывае строгасць і аўтарытэт правілаў СГА.

Шляхам падачы іску Кітай спадзяецца абараніць як правы кітайскіх кампаній, так і аўтарытэт і эфектыўнасць шматбаковай гандлёвай сістэмы і СГА, заявіў Гаа Фэн.

Паводле яго слоў, Кітай спадзяецца, што Аўстралія прыме канкрэтныя меры для выпраўлення сваіх няслушных дзеянняў, недапушчэння перакосаў у гандлі і вяртання гандлёвай дзейнасці ў нармальнае рэчышча.