Замежныя назіральнікі і афіцыйныя асобы ацанілі поспехі Кітая ў пабудове сярэднезаможнага грамадства

Дасягненні Кітая ў галіне ўсебаковай пабудовы грамадства сярэдняй заможнасці адлюстроўваюць дзейснасць канцэпцыі, арыентаванай на чалавека, адзначылі замежныя назіральнікі і афіцыйныя асобы.

Былы прэм'ер-міністр Егіпта Эсам Шараф заявіў, што ён адчувае шчырую радасць за кітайскі народ. Паводле яго слоў, Кітай стаў "жывым прыкладам грамадства, у якім людзі маюць пачуццё задавальнення ад дасягнутага". "За апошнія некалькі дзесяцігоддзяў Кітай пад кіраўніцтвам КПК зведаў велізарныя змены і дамогся выдатных дасягненняў у развіцці. Кампартыя пастаянна дамагалася шчасця для кітайскага народа і прытрымлівалася прынцыпу ўстойлівага эканамічнага, экалагічнага і сацыяльнага развіцця", -- адзначыў ён.

Дырэктар Кітайска-бразільскага цэнтра даследаванняў і бізнесу Роні Лінс заявіў, што Кампартыя Кітая заўсёды ставіла дабрабыт людзей на першае месца, імкнучыся выкараніць сацыяльную няроўнасць і садзейнічаць эканамічнаму і сацыяльнаму развіццю. Паводле яго слоў, Кампартыя на шляху дасягнення першай мэты стагоддзя вяла за сабой кітайскі народ, пераадольваючы шматлікія цяжкасці. Дасягненне Кітаем першай з "мэтаў двух стагоддзяў" усяляе ўпэўненасць у глабальную справу барацьбы з беднасцю і служыць каштоўнай крыніцай натхнення і арыенцірам для іншых краін у іх імкненні да інклюзіўнага развіцця, дадаў Роні Лінс.

Былы кіраўнік Ханойскага інстытута сусветнай эканомікі і палітыкі Во Дай Луок падкрэсліў, што КПК заўсёды працавала на карысць народа і дзякуючы гэтаму заручылася падтрымкай шырокіх мас. Кітай атрымаў усебаковую перамогу над беднасцю і дасягнуў першай "мэты двух стагоддзяў", што надасць яшчэ больш энергіі на шляху да другой мэты, дадаў ён.