Найбуйнейшы ў свеце планетарый адкрыецца ў Шанхаі

17 ліпеня ў Шанхаі адбудзецца афіцыйная цырымонія адкрыцця планетарыя, найбуйнейшага па маштабах будаўніцтва ў свеце, паведаміла яго адміністрацыя ў панядзелак.

Будаўнічая плошча планетарыя, размешчанага ў раёне Ліньгань пілотнай зоны свабоднага гандлю ў Шанхаі, складае каля 58,6 тыс. кв.м. ён з'яўляецца філіялам Шанхайскага навукова-тэхналагічнага музея.

У панядзелак у планетарыі пачаліся выпрабавальныя працы, у той жа дзень таксама былі запушчаныя яго афіцыйны вэб-сайт і рахунак на WeChat. Свае дзверы для наведвальнікаў планетарый расчыніць 18 ліпеня.

У планетарыі ёсць кінатэатр 8К са сферычным экранам звышвысокай выразнасці і выставачныя зоны, прысвечаныя рознай тэматыцы. У іх будзе выстаўлены каля 70 рэдкіх метэарытаў, у тым ліку з Месяца, Марса і Весты, а таксама больш за 120 калекцый артэфактаў, уключаючы арыгінальныя працы Ісаака Ньютана, Галілеа Галілея, Іагана Кеплера і іншых навукоўцаў.

А для таго каб аўдыторыя магла атрымаць навуковыя веды па астраноміі ў інтэрактыўнай форме, у ім будуць выкарыстоўвацца тэхналогіі візуалізацыі даных, дапоўненай і віртуальнай рэальнасці, біяметрыі і штучнага інтэлекту.