У Кітаі зарэгістравана больш за 1 млн аўтамабіляў на новых крыніцах энергіі

У Кітаі ў першай палове 2021 года было зарэгістравана больш за 1,1 млн аўтамабіляў на новых крыніцах энергіі, што з'яўляецца рэкордным паказчыкам у параўнанні з тым жа перыядам папярэдніх гадоў. Пра гэта паведамілі ў Міністэрстве грамадскай бяспекі КНР.

Гэтыя лічбы дэманструюць рост больш чым на 200 працэнтаў у параўнанні з аналагічным перыядам мінулага года і складаюць амаль 8 працэнтаў ад агульнай колькасці зарэгістраваных аўтамабіляў.

На канец чэрвеня ў Кітаі налічвалася 6,03 млн транспартных сродкаў на новых крыніцах энергіі, што складае 2,06 % ад агульнай наяўнай колькасці аўтамабіляў у краіне.