Кіраўнікі МЗС краін ШАС правялі сустрэчу ў рамках кантактнай групы па Афганістане

Сустрэча міністраў замежных спраў у фармаце "ШАС -- Афганістан" адбылася ў Душанбэ. У мерапрыемстве прыняў удзел міністр замежных спраў Ван І.

З-за паспешнага вываду войскаў НАТА Афганістан зноў сутыкнуўся з сур'ёзнымі праблемамі, адзначыў кіраўнік МЗС КНР. Афганістан -- важны член ШАС, таму сітуацыя ў краіне закранае не толькі фундаментальныя інтарэсы афганскага народа, але таксама наўпрост уплывае на агульную сітуацыю з бяспекай і развіццём рэгіёна, дадаў ён.

Ван І падкрэсліў, што ўсе бакі павінны праяўляць пільнасць у дачыненні да любых спробаў падарваць рэгіянальную бяспеку і стабільнасць за кошт хаосу ў Афганістане, дадаў ён. Важна прадухіліць адраджэнне тэрарыстычных сіл. Нельга дапусціць, каб Афганістан зноў стаў агменем тэрарызму і месцам навалы тэрарыстычных сіл. Усе бакі, працягнуў кіраўнік МЗС КНР, павінны актывізаваць супрацоўніцтва з Афганістанам у барацьбе з тэрарызмам і заклікаць рух "Талібан" выканаць сваё абяцанне разарваць сувязі з міжнароднымі тэрарыстычнымі арганізацыямі.

ШАС павінна працаваць разам, каб паскорыць працэс прымірэння, сказаў Ван І. Варта і далей прытрымлівацца прынцыпу, згодна з якім мірны працэс у Афганістане павінен ажыццяўляцца "пад кіраўніцтвам афганцаў і самімі афганцамі", а таксама заклікаць усе ўрадавыя і апазіцыйныя сілы праяўляць гнуткасць і імкнуцца да яднання пры захаванні асобных разыходжанняў, каб як мага хутчэй дамагчыся нацыянальнага прымірэння.

Неабходна ўмацоўваць шматбаковую каардынацыю, сказаў Ван І, паклікаўшы краіны ШАС эфектыўна абараняць суверэнітэт, незалежнасць і тэрытарыяльную цэласнасць Афганістана. Ён таксама адзначыў, што ШАС павінна падтрымаць імкненне Афганістана быць незалежнай, аўтаномнай і нейтральнай дзяржавай, праводзіць палітыку ўмеранага ісламу, працягваць змагацца з усімі формамі тэрарызму і сябраваць з суседнімі краінамі.

ШАС павінна працягваць садзейнічаць міру і аднаўленню ў Афганістане. Краіны ШАС павінны актыўна выкарыстоўваць існуючыя механізмы эканамічнага, гандлёвага і гуманітарнага супрацоўніцтва для падтрымкі Афганістана ў павышэнні яго здольнасці да незалежнага развіцця і дасягнення сапраўды ўстойлівага развіцця. ШАС, працягнуў кітайскі міністр, павінна паспрыяць інтэграцыі ў Афганістан мадэлі рэгіянальнага эканамічнага развіцця, паглыбіць супрацоўніцтва ў галіне грамадскай аховы здароўя і падтрымаць Афганістан у эфектыўнай барацьбе з эпідэміяй COVID-19.

Кітай будзе і далей паважаць суверэнітэт Афганістана і адыгрываць канструктыўную ролю ў садзейнічанні палітычнага ўрэгулявання афганскай праблемы, сказаў Ван І, дадаўшы, што кітайскі бок таксама гатовы правесці міжафганские перамовы ў Кітаі ў належны час.