У Кітаі абнавілі "жоўтае" папярэджанне ў сувязі з ліўнямі

Нацыянальны метэаралагічны цэнтр / НМЦ / Кітая ў панядзелак абнавіў "жоўтае" папярэджанне ў сувязі з праліўнымі дажджамі, якія чакаюцца ў многіх рэгіёнах краіны, і заклікаў прыняць меры засцярогі.

Паводле паведамлення НМЦ, з 08:00 панядзелка па 08:00 аўторка залевы і навальніцы чакаюцца ў некаторых раёнах аўтаномнага раёна Унутраная Манголія, правінцый Хэйлунцзян, Шэньсі, Аньхой, Хубэй, Гуйчжоу, Хунань, а таксама горада Чунцін.

Паводле прагнозу сіноптыкаў, у частцы раёнаў правінцый Шаньсі, Хэнань, Юньнань і Гуандун выпадзе больш за 160 мм ападкаў.

У некаторых з пералічаных раёнаў колькасць ападкаў можа перавысіць 70 мм у гадзіну. Чакаюцца навальніцы і моцны вецер.

НМЦ рэкамендаваў мясцовым уладам быць гатовымі да магчымых паводак, апоўзняў і селевых патокаў, а таксама прыпыніць любыя работы на адкрытым паветры ў небяспечных раёнах.

У Кітаі дзейнічае чатырохузроўневая сістэма папярэджання аб неспрыяльных умовах надвор'я, у якой чырвоным колерам пазначаецца найвышэйшы ўзровень небяспекі, за ім ідуць аранжавы, жоўты і сіні.