Сцвярджэнне аб уцечцы каронавіруса з уханьскай лабараторыі супярэчыць навуцы - чыноўнік

Сцвярджэнне аб уцечцы віруса, які выклікае COVID-19, з лабараторыі ў г. Ухань супярэчыць навуцы, заявіў высокапастаўлены чыноўнік Дзяржаўнага камітэта па справах аховы здароўя КНР у чацвер.

Цзэн Ісінь, намеснік кіраўніка вышэйзгаданага ведамства заявіў, што ён быў здзіўлены сцвярджэннямі аб тым, што вірус SARS-CoV-2, які выклікае COVID-19, збег з Уханьскага інстытута вірусалогіі.

Гэтая гіпотэза супярэчыць здароваму сэнсу і навуцы, заявіў Цзэн Ісінь на прэс-канферэнцыі, прысвечанай рабоце па адсочванні крыніцы паходжання COVID-19.

Дырэктар Уханьскай дзяржаўнай лабараторыі біябяспекі пры Акадэміі навук Кітая Юань Чжымін сказаў, што ў яго лабараторыі, сертыфікаванай па стандарце BSL-4 - найвышэйшым узроўні біябяспекі, не было ні аднаго выпадку ўцечкі з моманту яе ўводу ў эксплуатацыю ў 2018 годзе.

Некаторыя сцвярджэнні, такія як т.зв. заражэнне трох супрацоўнікаў УІВ або правядзенне эксперыменту «gain-of-function» у лабараторыі, з'яўляюцца ўсяго толькі чуткамі, якія ўжо былі абвергнутыя, дадаў Цзэн Ісінь.

Ён адзначыў, што генныя інжынеры шырока прызнаюць, што штучная мадыфікацыя віруса абавязкова пакідае сляды. Каронавірус новага тыпу не мае такіх слядоў, што цалкам выключае тэорыю пра тое, што ён быў створаны штучна.

Да гэтага часу ні адзін з супрацоўнікаў УІВ не быў інфікаваны новым каронавірусам, лабараторыя не праводзіла вышэйзгаданага эксперыменту, і ў УІВ няма т.зв. штучнага віруса, паўтарыў ён.

Эксперты СААЗ пасля наведвання УІВ заявілі, што распаўсюджванне віруса з-за ўцечкі з лабараторыі "вельмі малаверагодна", - дадаў Цзэн Ісінь.