Лідары Кітая і Сьера-Леонэ абмяняліся віншаваннямі з нагоды 50-годдзя ўстанаўлення дыпламатычных адносін

Старшыня КНР Сі Цзіньпін і прэзідэнт Сьера-Леонэ Джуліус Маада Бія ў чацвер абмяняліся віншавальнымі тэлеграмамі з нагоды 50-годдзя ўстанаўлення дыпламатычных адносін паміж дзвюма краінамі.

У сваім пасланні Сі Цзіньпін адзначыў, што на працягу паўстагоддзя з моманту ўстанаўлення дыпламатычных адносін Кітай і Сьера-Леонэ заўсёды разумелі і падтрымлівалі адзін аднаго ў пытаннях, якія закранаюць іх карэнныя інтарэсы і занепакоенасці. Бакі наладзілі плённае супрацоўніцтва ў сферах эканомікі і народнага дабрабыту. Сутыкнуўшыся з сур'ёзнымі выклікамі эпідэміі каранавіруса новага тыпу, народы Кітая і Сьера-Леонэ падтрымлівалі адзін аднаго і змагаліся з распаўсюджваннем інфекцыі.

"Я надаю вялікае значэнне развіццю адносін паміж Кітаем і Сьера-Леонэ, гатовы паглыбляць практычнае супрацоўніцтва і садзейнічаць бесперапыннаму развіццю двухбаковых адносін усебаковага стратэгічнага супрацоўніцтва і партнёрства на карысць дзвюх краін і іх народаў", — падкрэсліў старшыня КНР.

Д. М. Бія, у сваю чаргу, заявіў, што на працягу 50 гадоў з моманту ўстанаўлення дыпламатычных адносін Кітай і Сьера-Леонэ, прытрымліваючыся прынцыпаў узаемапавагі, узаемадаверу, роўнасці і агульнага росквіту, наладзілі супрацоўніцтва на двухбаковым і міжнародным узроўнях, якое прынесла плённыя вынікі.

"Сьера-Леонэ будзе ўмацоўваць традыцыйнае сяброўства з Кітаем і паглыбляць узаемадзеянне ва ўсіх сферах," — адзначыў прэзідэнт.