Адраджэнне старажытнага чайнага шляху: Чай з паўночна-заходняга Кітая ўпершыню экспартуюць ваУзбекістан на грузавым цягніку Кітай-Еўропа

З павета Сісян правінцыі Шэньсі на паўночным захадзе Кітая адправіўся першы грузавы цягнік Кітай-Еўропа з канчатковым прыпынкам ва Узбекістане, які перавозіць каля 130 тон гарбаты.

Таварны цягнік пакінуў павет у панядзелак раніцай, здзейсніўшы прыпынак у адміністрацыйным цэнтры правінцыі Сіань, адкуль ён накіруецца ў сталіцу Узбекістана Ташкент, пераадолеўшы ў агульнай складанасці 5 087 кіламетраў.

Прымаючы пад увагу тое, што чай баіцца вільгаці, мае моцныя адсарбуючыяўласцівасці, невялікую масу і значны аб'ём, былі абсталяваны спецыяльныя грузавыя вагоны, якія адпавядаюць усім неабходным умовам для яготрансгранічнай перавозкі.

Гэта першая спроба экспартаваць чай з Сісяна ў Еўропу на грузавым цягніку, сказаў Жэнь Хуацзян, выканаўчы дырэктар чайнай кампаніі, заснаванай у Сісяне, дадаўшы, што на працягу гэтага года кампанія будзе экспартаваць ад двух да чатырох дваццаціфутавых вагонаў з гарбатай у месяц па гэтым гандлёвым маршруце .

Гісторыя культывацыі гарбаты ў Сісяне налічвае больш за 2 тыс. гадоў, чай з гэтай мясцовасці экспартаваўся ў Еўропу і ў іншыя рэгіёны свету з самых старажытных часоў.