Экіпаж "Шэньчжоу-14" увайшоў у асноўны модуль касмічнай станцыі

Экіпаж касмічнага карабля "Шэньчжоу-14" у нядзелю паспяхова ўвайшоў у "Цяньхэ" — асноўны модуль кітайскай касмічнай станцыі, паведамілі ў Канцылярыі праграмы пілатуемай касманаўтыкі Кітая (CMSA).

"Шэньчжоу-14" паспяхова здзейсніў аўтаматычнае збліжэнне і стыкоўку з комплексам, які складаецца з асноўнага модуля касмічнай станцыі "Цяньхэ", а таксама грузавых караблёў "Цяньчжоу-3" і "Цяньчжоу-4", пасля чаго экіпаж касмічнага карабля ўвайшоў у арбітальную капсулу з капсулы "Шэньчжоу-14".

У 20:50 па пекінскім часе члены экіпажа "Шэньчжоу-14" — Чэнь Дун, Лю Ян і Цай Сюйчжэ — адзін за адным увайшлі ў модуль "Цяньхэ".

Экіпажу трэба выканаць пастаўленыя задачы ў адпаведнасці з планам, вынікае з заявы CMSA.

Мэта палёту касмічнага карабля "Шэньчжоу-14" заключаецца ў завяршэнні будаўніцтва базавага трохмодульнага комплексу касмічнай станцыі "Цяньгун", які складаецца з асноўнага модуля "Цяньхэ" і лабараторных модуляў "Вэньцянь" і "Мэнцянь".

Выконваюць касмічную місію "Шэньчжоу-14" кітайскія касманаўты Чэнь Дун, Лю Ян і Цай Сюйчжэ. Камандзір экіпажа — Чэнь Дун. Экіпаж правядзе на арбіце шэсць месяцаў.