Каментарыі: 75-годдзе стварэння ААН, якой павінна быць арганізацыя? Пазіцыя Кітая па гэтым пытанні

«Новыя рэаліі і выклікі прымушаюць нас сур'ёзна задумацца пра тое, якой павінна быць ААН, і якую ролю яна абавязана гуляць у постпандэмічную эпоху?» Гэтае пытанне задаў старшыня КНР Сі Цзіньпін 21 верасня, выступаючы на сустрэчы высокага ўзроўню, прысвечанай 75-годдзю стварэння ААН. Ён выклаў пазіцыю Кітая па гэтым пытанні, выказаўшы чатыры прапановы, а менавіта: адстойваць справядлівасць, строга выконваць прынцып вяршэнства закона, садзейнічаць супрацоўніцтву, факусавацца на дзеяннях.

Сёння свет перажывае беспрэцэдэнтныя перамены. Раптоўная ўспышка пандэміі COVID-19 стала сур'ёзным выпрабаваннем для ўсіх краін свету. Прапановы кітайскага боку, вылучаныя Сі Цзіньпінам у сваім выступленні, адлюстроўваюць глыбокія разважанні і разуменне пытання эвалюцыі і пераменаў, якія адбыліся ў цяперашняй міжнароднай сітуацыі, маюць вельмі важнае значэнне для абароны мультылатэралізму. Яны дэманструюць адказны клопат кіраўніка сусветнай дзяржавы аб мірным развіцці і далейшым лёсе ўсяго чалавецтва.

Будучы адной з першых краін, якая паставіла свой подпіс пад Статутам ААН, з'яўляючыся адным з заснавальнікаў ААН і адзінай у СБ краінай, што развіваецца, за 75 гадоў Кітай не толькі актыўна садзейнічаў развіццю Арганізацыі Аб'яднаных Нацый, але і сваімі рэальнымі дзеяннямі абараняў яе аўтарытэт і ролю. У прыватнасці, да канца гэтага года Кітай плануе цалкам выкараніць абсалютную галечу ў адпаведнасці з існуючымі стандартамі, і на 10 гадоў раней за тэрмін ажыццявіць мэты Парадку дня ААН у галіне ўстойлівага развіцця на перыяд да 2030 года, што, несумненна, ўнясе вялікі ўклад у справу глабальнага скарачэння беднасці.

На саміце Сі Цзіньпін зноў пацвердзіў паслядоўную пазіцыю Кітая, падкрэсліўшы тры «рашучыя пазіцыі», а менавіта: цвёрда падтрымліваць міжнародную сістэму, ядром якой з'яўляецца ААН, і заснаваны на міжнародным праве сусветны парадак, абараняць цэнтральную ролю ААН у міжнародных справах, тым самым дэманструючы рашучую падтрымку мультылатэралізму.

«Мы будзем заўсёды верныя прынцыпу шматбаковасці», - рашуча паабяцаў Сі Цзіньпін ўсяму свету. Знаходзячыся на новым гістарычным старце, Кітай будзе працягваць працаваць з усімі краінамі, дапамагаць Арганізацыі Аб'яднаных Нацый гуляць яшчэ большую ролю ў новым гістарычным працэсе, садзейнічаць стварэнню супольнасці адзінага лёсу чалавецтва, і дасягаць салідарнасці і прагрэсу ў свеце.