Сума наўмысных здзелак у гадавым разліку на імпартнай ЭКСПА ў Шанхаі дасягнула $ 72,62 млрд

10 лістапада ў Шанхаі завяршылася шасцідзённая 3-я Кітайская міжнародная імпартная выстава, на палях якой былі заключаны папярэднія дамовы па набыцці тавараў і паслуг коштам 72,62 млрд. долараў у наступныя 12 месяцаў. Сума вырасла на 2,1% у параўнанні з мінулым годам. Пра гэта паведаміў на прэс-брыфінгу намеснік кіраўніка Бюро па арганізацыі ЭКСПА Сунь Чэнхай.

Ён адзначыў, што, нягледзячы на глабальную пандэмію COVID-19, цяперашняе мерапрыемства, якое прайшло пад дэвізам «Новая эра, агульная будучыня», прыцягнула каля 400 тыс. айчынных і замежных прафесійных закупнікоў і звыш 3000 журналістаў з усяго свету. Выставачная плошча кірмашу склала 360 тыс. кв. метраў, што на 30 тыс. кв. метраў больш, чым летась. Сотні тавараў, тэхналогій і паслуг былі прэзентаваныя ўпершыню.