Брытанскі навуковец: Ні адна краіна не можа паказаць такую ж эфектыўнасць, як Кітай

Вядомы брытанскі навуковец і старшы навуковы супрацоўнік Кембрыджскага універсітэта Марцін Жак размясціў на сваім канале ў YouTube 40-хвілінны відэазварот, у якім пракаментаваў супрацьэпідэмічныя меры Кітая. Брытанскі навуковец адзначыў, што на Захадзе склалася шмат непаразуменняў і забабонаў у дачыненні да Кітая, поспехі Кітая ў проціэпідэмічнай працы цалкам пацвярджаюць памылковасць такога падыходу.

Марцін Жак сказаў, што ў самым пачатку эпідэміі COVID-19 менавіта Кітай першым сутыкнуўся з зусім новым і невядомым навуцы вірусам: «Цяпер стала відавочна, што супрацьэпідэмічныя меры Кітая былі эфектыўнымі. У цяперашні час краіна ўжо вярнулася да адносна нармальнага жыцця, эканоміка зноў пайшла ў рост, Кітай стане адзінай з вядучых краін свету, якая ў гэтым годзе пакажа эканамічны рост».

У той жа час Марцін Жак бязлітасны ў сваіх ацэнках цяперашняй сітуацыі на Захадзе: «Які хаос! Паглядзіце на Злучаныя Штаты, паглядзіце на маю краіну - Вялікабрытанію, паглядзіце на Еўропу, ні адна краіна не можа паказаць такую ж эфектыўнасць, як Кітай ».

Кажучы пра прычыны поспеху Кітая, Марцін Жак адзначыў два важных моманты: па-першае, выразныя ідэі і супрацьэпідэмічны план кітайскага ўрада.

«У Кітаі лічаць, што спачатку трэба пазбавіцца ад віруса. Мы не хочам суіснаваць з вірусам; мы хочам яго знішчыць. У цэлым, Кітай так і паступаў. У той жа час Заходнія краіны ніяк не могуць вырашыць, што ім рабіць», - падкрэсліў Марцін Жак.

Па-другое, на думку Жака, поспех барацьбы з эпідэміяй ў Кітаі звязаны з самасвядомасцю і адзінай воляй насельніцтва краіны. У той жа час насельніцтва Захаду ў гэты няпросты час па-ранейшаму настойвае на індывідуалізме і крычыць аб свабодах ...

У канцы брытанскі навуковец адзначыў, што Захаду неабходна памяняць мысленне, паспрабаваць зразумець, чым Кітай адрозніваецца ад Захаду, і прызнаць яго поспехі: «Кітай - дзіўная краіна, і замест таго, каб успрымаць яго як пагрозу, лепш паспрабаваць даведацца і зразумець гэтую краіну».