Кітай зноў заклікае Канаду вызваліць Мэн Ваньчжоу
Кітай чарговы раз заклікае Канаду вызваліць Мэн Ваньчжоу, заявіла афіцыйны прадстаўнік МЗС КНР Хуа Чуньін.
Галоўны фінансавы дырэктар кампаніі Huawei была арыштаваная у 2018 г. у міжнародным аэрапорце Ванкувера па запыце Злучаных Штатаў. Адзначыўшы, што ўлады ЗША сфабрыкавалі справу Мэн Ваньчжоу без законных падстаў, Хуа Чуньін заявіла, што сапраўдная іх мэта заключаецца ў аказанні ціску на кітайскія высакатэхналагічныя прадпрыемствы і падрыве навукова-тэхналагічнага прагрэсу Кітая. "Канада павяла сябе як супольнік ЗША і таму не ўцячэ ад адказнасці", -- сказала яна.
Па словах Хуа Чуньін, затрыманне Мэн Ваньчжоу -- сур'ёзны палітычны інцыдэнт. "Кітай застаецца непахісным у абароне законных правоў і інтарэсаў сваіх грамадзян і будзе працягваць прымаць усе неабходныя меры. Мы зноў заклікаем Канаду неадкладна вызваліць Мэн Ваньчжоу, каб яна змагла вярнуцца ў Кітай", -- сказала Хуа Чуньін.