Названая дакладная вышыня Эверэста: 8848 метраў 86 см

Кітай і Непал 8 снежня абвясцілі дакладную вышыню Эверэста (Джамалунгмы). «Рост» найвышэйшага піка на зямлі складае 8848 метраў 86 сантыметраў. Лічба пазначана ў тэлеграмах, якімі абмяняліся старшыня КНР Сі Цзіньпін і прэзідэнт Непала Бідхья Дэві Бхандары.

Аб вышыні Эверэста навукоўцы спрачаліся з 2015 года, калі ў Непале адбыўся землятрус магнітудай 7,8. Адны даследчыкі сцвярджалі, што пасля ўдару падземнай стыхіі вышыня гары падскочыла на метр, іншыя казалі, што пік наадварот асеў.