Хлусня і глупства перашкаджаюць барацьбе з пандэміяй COVID-19 у ЗША

«Я не збіраюся замоўчваць праблемы. Мы не вытрымліваем такога ціску», - сказаў Брэд Спелберг, галоўны ўрач медыцынскага цэнтра Паўднёва-Каліфарнійскага універсітэта. Як паведамляе CNN, за апошні тыдзень Каліфорнія выйшла на першае месца па захворванні COVID-19 у ЗША. Мясцовыя медыцынскія ўстановы знаходзяцца ў катастрафічным становішчы.

19 снежня амерыканская радыёвяшчальная кампанія паведаміла, што за апошнія 7 дзён у ЗША ў сярэднім штодня фіксавалася 210 тыс. выпадкаў захворвання і 18 тыс. смяротных вынікаў.

Прычына такіх высокіх паказчыкаў крыецца ў тым, што за апошнія месяцы амерыканскія палітыкі змагаюцца з пандэміяй COVID-19 толькі на словах. На днях галоўным выкрыццём сыходзячага года амерыканскія журналісты назвалі хлуслівыя выказванні амерыканскіх палітыкаў з нагоды пандэміі каронавіруса. Бо ў дадзеным выпадку цана за хлуслівыя абяцанні - чалавечыя жыцці. 19 снежня амерыканская штодзённая газета Washington Post апублікавала артыкул пад загалоўкам «Як катэгарычнае адмаўленне і дрэннае кіраванне лідараў ЗША прывялі да такіх наступстваў пандэміі COVID-19». У артыкуле ўказваецца на памылкі адміністрацыі ЗША за апошнія 10 месяцаў.

На днях 13-гадовы амерыканскі падлетак памёр ад спадарожнага захворвання, выкліканага каронавірусам. Яго маці, якая працуе медсястрой, апублікавала фатаграфію запырсканага крывёй аддзялення інтэнсіўнай тэрапіі, дзе прымалі тэрміновыя меры для выратавання яе сына. Яна выказала надзею, што як мага больш амерыканцаў будуць больш сур'ёзна ставіцца да пандэміі COVID-19.

Затое гора простых людзей, здаецца, ніколькі не хвалюе кіраўніцтва ЗША. У барацьбе з эпідэміяй амерыканскія палітыкі больш за ўсё акцэнтуюць увагу на тым, што вакцына вырашыць усе праблемы. Тым не менш, як сказаў генеральны дырэктар СААЗ Тедрас Аданам Гебрэісус: "Нават са з'яўленнем вакцыны людзям неабходна выконваць меры прафілактыкі і не дапускаць распаўсюджвання інфекцыі».

На жаль, кіраўніцтва ЗША практычна засталося абыякавым да імклівага распаўсюджвання пандэміі каронавіруса. У апошні час кіраўнік ЗША і першая лэдзі правялі ў Белым Доме серыю традыцыйных святочных вечарынак, якія былі старанна спланаваны. Дзяржсакратар ЗША Майк Пампея нават настойвае на арганізацыі вечарынкі з удзелам 900 чалавек у будынку Дзярждэпартамента. Пры гэтым яму самому прыйшлося адсутнічаць на ўрачыстасцях з прычыны ізаляцыі пасля кантакту з чалавекам, у якога тэст на COVID-19 даў станоўчы вынік.

Усе мы бачылі, што дзейсны ўрад ЗША прыкладае вялікія намаганні для канфрантацыі са знешнім светам, і тым самым знаходзіцца ў цэнтры ўвагі міжнароднай грамадскасці. Так што, з аднаго боку, яны нічога не робяць для барацьбы з эпідэміяй, а з другога боку, не шкадуюць намаганняў для распальвання спрэчак.

Для амерыканскага народа яшчэ не наступіла сапраўдная суровая зіма. Па папярэдніх падліках Інстытута аховы здароўя Метрыкі і ацэнкі, размешчанага ва Універсітэце амерыканскага штата Вашынгтон, у бліжэйшыя 3 месяцы ў ЗША звыш 237 тыс. чалавек памруць ад заражэння COVID-19. Колькі яшчэ будзе працягвацца гэты «здзек над людзьмі» невядома, відавочна адно, што для такой сусветнай дзяржавы як ЗША, гэта сапраўдная ганьба і трагедыя.