МЗС КНР заклікала ЗША спыніць умяшальніцтва ва ўнутраныя справы
Кітайскі бок выступае катэгарычна супраць прыняцця Кангрэсам ЗША законапраектаў з негатыўным зместам, заклікаючы ЗША спыніць умешвацца ва ўнутраныя справы Кітая пад падставай адпаведных пытанняў. Пра гэта 22 снежня заявіў афіцыйны прадстаўнік МЗС КНР Ван Вэньбінь на чарговай ведамаснай прэс-канферэнцыі.
Сенат Кангрэсу ЗША і Палата прадстаўнікоў на днях ўхвалілі праект бюджэту на 2021 фінансавы год, праект закона па барацьбе з каронавіруснай інфекцыяй і шэраг іншых негатыўных законапраектаў і палажэнняў, якія тычацца Тыбету, Тайваня і Сянгана.
«Пытанні, звязаныя з Тыбетам, Тайванем і Сянганам, адбіваюцца на суверэнітэце і тэрытарыяльнай цэласнасці Кітая, з'яўляючыся ўнутранымі справамі КНР. Мы не дапусцім умяшання з боку любых знешніх сіл. Рашучасць кітайскага ўрада абараняць дзяржаўны суверэнітэт, бяспеку і інтарэсы развіцця краіны застаецца непахіснай», - заявіў дыпламат.