Кітай не дазволіць нікому перашкаджаць уз'яднанню -- МЗС КНР

Па паведамленнях СМІ, дзяржсакратар ЗША Майк Пампея абвясціў аб рашэнні зняць абмежаванні на ўзаемадзеянне з Тайванем. 11 студзеня Кітай выказаў нязгоду і асуджэнне з нагоды апошніх рашэнняў ЗША ў дачыненні Тайваня, заявіўшы, што любая спроба падарваць ключавыя інтарэсы Кітая сустрэне "рашучыя контратакі" кітайскага боку і не будзе мець поспеху.

"Кітай рашуча выступае супраць такой практыкі і асуджае яе", -- заявіў афіцыйны прадстаўнік МЗС Чжаа Ліцзянь на брыфінгу. Зноў заявіўшы, што ў свеце існуе толькі адзін Кітай, а Тайвань -- неад'емная частка тэрыторыі Кітая, Чжаа Ліцзянь адзначыў, што ўрад КНР з'яўляецца адзіным законным урадам, якi прадстаўляе Кітай. Гэты факт прызнаны міжнароднай супольнасцю і з'яўляецца часткай асноўных нормаў міжнародных адносін, дадаў ён.

"Урад ЗША ўзяў на сябе сур'ёзныя абавязацельствы перад кітайскім бокам па тайваньскім пытанні", -- сказаў прадстаўнік ведамства, спасылаючыся на адпаведнае палажэнне сумеснага камюніке 1978 года аб усталяванні дыпламатычных адносін паміж дзвюма краінамі. У адпаведнасці з сумесным камюніке, Злучаныя Штаты прызнаюць урад КНР адзіным законным урадам Кітая, а народ Злучаных Штатаў падтрымлівае культурныя, камерцыйныя і іншыя неафіцыйныя адносіны з народам Тайваня, заявіў Чжаа Ліцзянь.

"Кітайскі народ -- непахісны прыхільнік абароны нацыянальнага суверэнітэту і тэрытарыяльнай цэласнасці. Мы ніколі не дазволім каму-небудзь ці якой-небудзь сіле перашкаджаць працэсу ўз'яднання Кітая і ўмешвацца ва ўнутраныя справы Кітая пад падставай тайваньскага пытання", -- заявіў афіцыйны прадстаўнік. Ён заклікаў ЗША выконваць прынцып аднаго Кітая і палажэнні трох сумесных кітайска-амерыканскіх камюніке, а таксама спыніць любыя выказванні або спробы ўмацавання сувязяў і ўзмацнення ваенных кантактаў з Тайванем.

"Мы заклікаем Майка Пампею і іншых палітыкаў выразна ўбачыць гістарычную тэндэнцыю, спыніць манеўраванне ў пытаннях, звязаных з Тайванем, і рэгрэсіўны дзеянні, а таксама ўстрымацца ад далейшага руху па няправільным і небяспечным шляху. У адваротным выпадку гісторыя сурова пакарае", -- сказаў кітайскі спікер.