Кітай спадзяецца, што новы ўрад ЗША будзе імкнуцца да канструктыўных адносінаў з Пекінам
26 студзеня афіцыйны прадстаўнік МЗС КНР Чжаа Ліцзянь выказаў спадзяванне, што новая адміністрацыя Злучаных Штатаў будзе імкнуцца да канструктыўных адносінаў з Пекінам.
Кітай і ЗША нясуць агульную адказнасць за глабальны мір і стабільнасць, а таксама за развіццё і росквіт чалавецтва. Абедзве краіны маюць шырокую сферу агульных інтарэсаў і нясуць адказнасць перад усім светам. Супрацоўніцтва прынясе карысць абодвум бакам, а супрацьстаянне пойдзе толькі на шкоду, падкрэсліў Чжаа Ліцзянь. Паводле яго слоў, умацаванне супрацоўніцтва -- адзіна правільны выбар для абедзвюх краін.