Кітай прадаставіць COVAX 10 млн доз вакцын ад COVID-19

Па просьбе Сусветнай арганізацыі аховы здароўя Кітай вырашыў даць COVAX 10 млн доз вакцын супраць COVID-19 для задавальнення надзённых патрэбаў некаторых краін, заявіў у сераду на прэс-канферэнцыі афіцыйны прадстаўнік МЗС КНР Ван Вэньбінь.

"Гэта чарговы важны крок, прыняты Кітаем для садзейнічання справядліваму размеркаванню вакцын, прасоўванню міжнароднага супрацоўніцтва ў барацьбе з пандэміяй і падтрымкі канцэпцыі супольнасці адзінай аховы здароўя чалавецтва", — дадаў ён.

Адзначыўшы, што СААЗ ужо пачала разгляд дазволу на выкарыстанне кітайскіх вакцын у надзвычайных сітуацыях, Ван Вэньбінь заявіў пра гатоўнасць кітайскіх прадпрыемстваў да далейшага супрацоўніцтва і выказаў спадзяванне, што СААЗ завершыць гэтую працу як мага хутчэй. "Мы спадзяёмся, што развітыя краіны распачнуць канкрэтныя дзеянні ў падтрымку COVAX, каб дапамагчы краінам, якія развіваюцца, своечасова атрымаць вакцыны і ўнесці свой уклад у больш хуткае дасягненне перамогі міжнароднай супольнасці над пандэміяй", — адзначыў ён.

Па словах Ван Вэньбіня, Кітай афіцыйна далучыўся да праграмы COVAX і падтрымлівае цесныя кантакты з СААЗ, каб прыкласці сумесныя намаганні ў мэтах ператварэння вакцын супраць COVID-19 у глабальную грамадскую карысць і садзейнічання даступнасці вакцын у краінах, якія развіваюцца.

8 кастрычніка 2020 года Кітай падпісаў пагадненне з Глабальным альянсам па вакцынах і імунізацыі і далучыўся да праграмы COVAX.