Кітай вырашыў прыпыніць усе мерапрыемствы ў рамках стратэгічнага эканамічнага дыялогу з Аўстраліяй

Дзяржкамітэт па справах развіцця і рэформаў у чацвер абвясціў пра рашэнне бестэрмінова прыпыніць усе мерапрыемствы ў рамках механізму стратэгічнага эканамічнага дыялогу паміж Кітаем і Аўстраліяй.

Рашэнне прынята ў сувязі са стаўленнем ўрада Аўстраліі да кітайска-аўстралійскага супрацоўніцтва ў бягучы час, адзначаецца ў заяве Дзяржкамітэта. Паводле заявы, некаторыя асобы з урада Аўстраліі вылучылі серыю мер ва ўрон абменам і супрацоўніцтву паміж дзвюма краінамі, грунтуючыся на ідэалагічных прадузятасцях.