А. Меркель назвала інвестыцыйнае пагадненне паміж КНР і ЕС важным пачынаннем

Канцлер Германіі Ангела Меркель заявіла, што інвестыцыйнае пагадненне паміж КНР і ЕС з'яўляецца "важным пачынаннем", нягледзячы на "цяжкасці, якія ўзнікнуць у працэс ратыфікацыі.

"Гэта вельмі важнае пачынанне, бо яно дае нам больш узаемнасці ў доступе на рынкі. Мы вырашылі выконваць працоўныя стандарты Міжнароднай арганізацыі працы і іншыя прынцыпы, з дапамогай якіх гандаль можа развівацца ў інтарэсах абодвух бакоў", -- заявіла яна на анлайн-канферэнцыі парламенцкай групы Хрысціянска-дэмакратычнага саюза і Хрысціянска-сацыяльнага саюза.

Кітай і ЕС у канцы снежня мінулага года пасля сямі гадоў перамоў дасягнулі маштабнага інвестыцыйнага пагаднення. Германія, якая старшынствавала тады ў Савеце ЕС, дала пагадненню заключны імпульс ад еўрапейскага боку.

"Мы не зможам ні справіцца са змяненнем клімату, ні вырашыць праблемы СГА або іншыя глабальныя праблемы без Кітая ці ў супрацьстаянні з ім", -- заявіла А. Меркель. "Прыхільнасць Кітая мэтам абароны клімату, дасягненню вугляроднай нейтральнасці да 2060 года і піка вугляродных выкідаў да 2030 года – добры сігнал", -- адзначыла канцлер.