Кітайскія спецыялісты паспяхова выпрабавалі маніпулятар касмічнай станцыі, якая будуецца
Рабатызаваная рука, устаноўленая звонку кітайскай арбітальнай станцыі, якая будуецца, паспяхова перамясціла грузавы касмічны карабель «Цяньчжоу-2». Такое выпрабаванне праводзілі кітайскія спецыялісты. Яно доўжылася каля 47 хвілін. Гэта першы для Кітая перанос буйнагабарытнага касмічнага апарата маніпулятарам. Атрыманы досвед будзе ўжыты пры наступнай зборцы і будаўніцтве касмічнай станцыі. Завяршыць гэтыя работы плануюць да канца года.