У Гуанчжоу завяршылася 131-я выстава імпартна-экспартных тавараў

У Гуанчжоу завяршылася 131-я выстава імпартна-экспартных тавараў. 10-дзённае анлайн-мерапрыемства прыцягнула каля 25 тысяч удзельнікаў, якія прадстаўлялі амаль 3 мільёны экспанатаў.

Выстава прыцягнула 170 партнёрскіх арганізацый па ўсім свеце, прычым 40 з іх — з краін Рэгіянальнага ўсеабдымнага эканамічнага партнёрства — найбуйнейшай у свеце зоны свабоднага гандлю, куды ўваходзіць і Кітай. У Міжнародным павільёне выставы размясціліся 117 прадпрыемстваў з гэтай зоны, амаль 30% ад агульнай колькасці.