У прыгарадах Шанхая аднавілі вакцынацыю пажылых людзей

У прыгарадных раёнах Шанхая аднавілі дзейнасць прышчэпачныя пункты. Мясцовых жыхароў запрашаюць завяршыць курс вакцынацыі, калі яны не паспелі атрымаць другую дозу да пачатку чарговага выбліску эпідэміі ў мегаполісе.

Асаблівая ўвага — пажылым людзям. Менавіта іх найперш чакаюць на рэвакцынацыю.

У Шанхаі пражываюць амаль шэсць мільёнаў пажылых людзей. Прышчэпленыя з іх 62%, але толькі 38% атрымалі другую дозу вакцыны ад каранавіруса. Мясцовыя ўлады заклікаюць гараджан не адкладаць рэвакцынацыю.